Tenn lys !
Et lys skal brenne for denne lille jord.
Den blanke himmelstjerne, der vi og alle bor.
Må alle dele håpet så gode ting kan skje.
Må jord og himmel møtes. Et lys er tent for det.

1.søndag i advent er her. Julestjerna heng i vindauget. I går var det lysfest i byen, med faklar, julesongar og fyrverkeri. No er eg klar for å kome i julestemning.

Kl. 12.10 i dag:
Mobilen min ringer...
Mor: Hei, Hanna! E du våken?
Hanna: Ja, æg he allerde våre på fløyen og rundemanen, Æg æ på vei øve viddå...
Mor: Nei! E d sant?
Kanskje ikkje det mor hadde forventa seg av meg på ein sundagsføremiddag!? Det var ein flott tur, med mandarin, banan, kjeks, sjokolade, brød, kakao, solbærtoddy, snø og godt selskap av Ingvild Karoline. Det er ei god kjensle i kroppen å ha vore ute store delar av dagen, ikkje fult så godt å ha gnagsår og støle føter.

Fløyfjellet 400 moh
Sandviksfjellet 417 moh
Løvstakken 477 moh
Lyderhorn 396 moh
Damsgårdsfjellet 317 moh
Uliken 643 moh
Rundemanen 568 moh

I haust har eg vore på fire av sju fjell, Fløyen, Løvstakken, Ulriken og Rundemanen, og til våren må eg vel klara dei tre siste?




Eg ynskjer deg ei flott adventstid! Prøv å kos deg, til tross for at du sikkert er stressa med eksamen. Ein dag der ein ikkje tenker på eksamen anbefalast!

Oppdatering!

Eg er ferdig med ein fem vekers lang praksisperiode på 3.trinn. Det har vore fem veker prega av tilpassa opplæring, lærdom, mykje arbeid og tidlege kveldar. Det har vore kjekt og motivasjonen for å verta lærar er på topp! Eg vil kanskje studera "tilpassa opplæring" til hausten, også kalla spes. ped. Ikkje det at eg vil verta spes.ped-lærar, men eg trur dette er kunnskap alle som skal arbeida som lærarar har nytte av.

Ingenting
gir mindre likeverd
enn
å behandle
ulike mennesker likt

NSB: Bergen - Gøteborg 299,- Med desse prisane, kunne eg ikkje gjer anna enn å reisa til Sverige. I Gøteborg traff eg mi kjære søster, Ragnhild. Eg har alltid trudd eg forstod alt svensk, men den gong ei. (Etter mi meining snakka faktisk Ragnhild svensk, dette etter to mnd i landet!) Veit du kva bio er? Det gjorde ikkje eg, men fant det ut i løpet av helga. No sit eg att med mykje snop frå tax-free'en. Så har du lyst på noko godt, er det bare å koma på besøk.

Eg har sett fire filmar på kino den siste tida. Det er ein film eg vil anbefala alle å sjå: ENGELEN! Det er ein fantastisk bra film, ein sterk film vel og merka. For fyrste gong i mitt liv sat eg å hulka på kino, men eg var nok ikkje den einaste...

Hvor kommer fiskebollene fra?

"Hvis lynet treffer fisken i sjøen får vi fiskeboller"

+ =

Det er fantastisk å være i praksis i 3.klasse. I timen om metorologi fikk jeg svar på hvor fiskebollene kommer fra. Dersom jeg skriver ned alle gullkorna fra elevene kan jeg nok gi ut en bok som pensjonist...

Du

har

noe

ingen

andre

har.

Ingen

er

som

du.

Du

kan

mye,

har

litt

av

hvert

å

lære

meg.

Glad

for

at

jeg

møtte

deg.

Jeg er glad du lever!

GOD HELG!

Jeg er ikke sint, bare veldig, veldig skuffa...

Eg er djupt skuffa over deg... I dag har det vore 47 stk inne på bloggen min, noko eg er utruleg godt nøgd med, men ingen kommentarar...


Skjerp deg!


Tenk deg at du er på besøk hjå nokon, då seier du sjølvsagt "hei" eller noko i den duren og prater litt med han/ho du besøker... Kvifor ikkje gjer det same når du besøker bloggen?


Døme til kva du kan skriva til kommentar:
Hei Hanna!
Kven du er.
Ha ein fin dag!
Ris og ros. (Som pedagog er det kjekt om ein startar med ros.)
Tips til kva eg kan skriva om.
osb.


Det er ofte folk som klagar for at eg oppdaterar bloggen for sjeldan, difor har eg lov å klaga på at de ikkje kommenterer.

Over og ut!

God natt!

Nostalgi frå tida på barneskulen...

Tenk tilbake på den gongen du gjekk på barneskulen...

No er eg i praksis på 3. trinn, og i går hadde eg ein kjekk dag. Då me var ferdige var eg att for å sjå på gamle skulebøker. Det var nesten litt nostalgisk!

Gode tider...

Betre kjent som: Kva las du no?

Kor kult hadde det ikkje vore om praksisskulen min var nynorskskule? ;)



Eg hugsar endå mi første lesebok og den første leseleksa mi. Lita larve, kom litt nærare! Eg hugsar eg kom heim første dag i første klasse å sa eg hadde lært å lesa. Sannheten var at eg kunne leksa utenatt. Lita larve, kom litt nærare! Det sit heilt spikra.


Eg fann leseleksa mi igjen :) På bokmål, men men..

Eg hugsar at det var ei i klassen min i første, som i tillegg til Lita larve, kom litt nærare! , las neste side og. Eg hugsar at eg tenkte at ho var heilt superduperflink. I går fann eg ut at neste side ikkje var meir enn ein setning. Ha ha! Eg var liten og visste ikkje noko om tjukke bøker fulle av tekst...

Er det bare eg som hugsar mi første leselekse?

PS:

Eg har høyrt rykte om at nokon trudde eg hadde funne bilete av rundstykka (på eit tidlegare innlegg her på bloggen) på google. FEIL! Dei er det sjølvsagt eg som har laga :)

Våre små søsken

Det er sjeladant eg les dikt, men i dag har eg gjort det. Her kjem eit dikt av Inger Hagerup.

VÅRE SMÅ SØSKEN

Vi har en liten søster,

vi har en liten bror

som er litt annerledes

enn andre barn på jord.

De kom til denne verden

- det vanskelige sted -

med mindre håndbagasje

enn vi ble utstyrt med.

Vi voksne er så kloke

i gjerning og i ord.

Vår lille bror og søster

blir aldri riktig stor.

Vi har vår eng og åker,

vi har vårt kjøpmannsskap,

og vi beregner livet

i vinning og i tap

Det er så lett å skubbe

de små og svake vekk

og la dem stå tilbake

med hjelpeløse trekk

Det er så lett å glemme:

siste båt skal gå

må alle passasjerer

la all bagasje stå.

Når eg les dette diktet tenker eg på då eg og ein kamerat var leiarar for ei trimgruppe for psykisk utviklingshemma på vidaregåande, og sommarjobben min i bustader for psykisk utviklingshemma. Det er kjekt det! Eg skal ikkje prøva meg på ei tolkning. Diktet får tala for seg sjølve... Eit fint dikt passar saman med eit fint bilete :)

Lurer på om eg skal prøva å skaffa meg eit arbeid i nokre bustader e.l?

... i går stod gjærbaksten sist til heving! (svar på spørsmålet eg stiller meg sjølv (høgre kolonne) -> )

Kva er vitsen med å ha blogg?

Eg har ein eigen blogg. Eg prøvar å oppdatera han, men det er ikkje alltid like lett å finna på kva eg skal skriva. Eg har ein blogg frå vidaregåande saman med Ingvil. Denne bloggen er så å seia død. Eg har òg ein blogg saman med Hermund. Denne har det heller ikkje så veldig bra og oppdateringane skjer veldig sjeldan.

Kvifor har eg desse bloggane? Og kva er eigentleg ein blogg?

Det første spørsmålet er eg usikker på. Eg gjekk inn på wikipedia for å finna svar på det siste spørsmålet:

(…) Noen blogger er rene dagbøker for bloggskribenten. Andre kan være vinklet mot et bestemt tema eller en profesjon, eller en blogg kan ha et kunstnerisk uttrykk. Blogger gjør også ofte utstrakt bruk av pekere til andre nettsteder og ikke minst til andre blogger. (…)

Eg vil ikkje at bloggen min skal vera ei rein dagbok, men kanskje han er det? Eg skreiv dagbok gjennom store delar av ungdomsskulen og vidaregåande, og den hadde eg aldri latt nokon få lesa. Ei dagbok er privat. Derfor håpar eg bloggen min ikkje er ei rein dagbok… Men han er nok kanskje meir ei dagbok enn ein blogg vinkla mot eit bestemt tema eller ein prefesjon?

Eg burde kanskje hatt eit mål med bloggen, noko eg ynskja at lesarane (om det er nokon?) skulle få ut av innlegga mine...

Siri Lene sa at eg måtte skriva eit innlegg her på bloggen med eit ”djupt” innhald. Sjølv må eg filosofera over kva eit ”djupt” emne er. Har dette innlegget eit djupt emne? Når eg ser igjennom bloggen min, ser eg jo at det ikkje er så veldig seriøst innhald, blogging om fanthomas, skilt og ein skitten fiskebolle er faktisk ganske useriøst når eg tenker meg om. Namnet på bloggen ”kva skal bloggen heite” seier jo i seg sjølv at det ikkje er noko veldig seriøst.

Har du ei formeining om noko eg burde skriva eit ord eller to om, så sei i frå. Eg er open for tips og idear. Tenk om det er nett din idè eg skriv om neste gong, då lovar eg deg heder og ære her på Kva skal bloggen heite.

Til slutt: Eg klarer ikkje å finna svar på overskrifta… Gjer du?

Blinkskudd frå helga

Torsdagskveld kl. 22.30 bestemmer eg meg for å bestilla billett... Fredagmorgon/natt kl. 05.10 går eg ned til flybussen. Eg som liker å planlegga ting reiser på ein impulstur. Turen går til Oslo og hovedattraksjonen er å vera med Ingvil.

Me går ein tur på blindern. Der ser me nokre flotte plakatar. Eg trur eigentleg Ingvil har hengt dei opp for å gjera meg glad. Same kven står bak, så er eg glad. Kvifor blir eigentleg nynorsk kalla for sidemål? I mitt liv er det bokmål som er sidemål.

Kva er dette mon tru? I ein fin park i Oslo er det fullt av nakne folk. Eg trur ikkje det er lov å blotta seg på denne måten, men Ingvil seier at i Vigelandsparken er det annleis.

Me er på dolly. Me veit kva me skal ha, men likevel ser me på menyen for å ikkje framstå som...som kva då? Me veit ikkje, men me veit i alle fall at me vil sjå litt i menyen. Me spør kvarandre om likevel og alikevel har same tydning? Me veit ikkje. Me legg frå oss menyen, bestiller...

...me venter på vår trufaste ven, King Creole. Me pratar om korleis me hadde råd til å gå på dolly ein gong i veka på vidaregåande.

Signe maten, amen! Eg er svolten og det er Ingvil òg. Pizzaen er plutseleg i magane våre. Me får kontakt med den rare servitøren og bestiller oreo. Det er godt og (alt for) mektigt! Eg undrar meg over kor mykje oreokake ein person eta før han kastar opp?

Ingvil er god venn med ein kjent stylist i Oslo (som har ein hemmeleg identitet). Ho hoppa glad ut av studioet hans i Parkveien. Eg trur ho er godt nøgd meg resultatet..

Det er søndag og klokka 2309. Eg har nett sett meg på nattoget til Bergen. På måndag er eg akkuratt passe trøyt til å ha forprøve i GLSM for klassen, hurra! Det er kjekt i Oslo og der skal eg jammen igjen snart! :)

Det er onsdagskveld og eg sit å skriv dette innlegget medan eg tenker på kor teit det er å skriva om noko som har skjedd i presens. Eg tenker på å fiksa på det, men orkar ikkje. Eg er trøyt, god natt!